Azərbaycan, Bakı, 15 dekabr /Trend, müxbir E.Tariverdiyeva/
Maltanın Baş naziri Cosef Muskatın rəhbərlik etdiyi hökumət nümayəndə heyəti Azərbaycanın rəsmi şəxsləri ilə yeni elektrik stansiyası üçün qazın uzunmüddətli tədarükü məsələsini müzakirə edəcəklər. Bu barədə Trend-ə Azərbaycan hökumətindən bildirilib.
Maltanın Baş naziri Bakıya bu gecə gəlib.
Heydər Əliyev beynəlxalq Hava Limanında Baş nazir Cosef Muskatı Azərbaycanın Baş nazirinin müavini Əli Əhmədov və digər rəsmi şəxslər qarşılayıblar.