Bakı. Trend:
Rumıniya və Azərbaycan "yaşıl" enerji istehsalında dəhlizi təmin edə bilər.
Trend-in məlumatına görə, bunu Rumıniyanın energetika naziri Vircil Popesku Bakıda keçirilən 27-ci Enerji Forumunda deyib.
"Biz Azərbaycan, Gürcüstan və daha sonra Avropaya keçməklə alternativ enerji tədarükü üçün "yaşıl" dəhliz yarada bilərik", - deyə o bildirib.
Nazirin sözlərinə görə, bu gün Rumıniya enerji ehtiyatlarının şaxələndirilməsi imkanlarını nəzərdən keçirir və bu kontekstdə Azərbaycan vacib rol oynayacaq.
V.Popesku əlavə edib ki, iyunun sonunadək Qara dənizdə ilk qaz həcmlərinin hasilatı planlaşdırılır və bu ehtiyatlar qonşu ölkələrə kömək edəcək.
(Tərcümə: Orxan Nəbiyev)