...

İndiyə qədər "Şahdəniz" yatağından 190 milyard kubmetrə yaxın qaz hasil olunub

Energetika Materials 5 May 2023 11:45 (UTC +04:00)
İndiyə qədər "Şahdəniz" yatağından 190 milyard kubmetrə yaxın qaz hasil olunub
Ləman Zeynalova
Ləman Zeynalova
Bütün xəbərlər

Bakı. Trend:

İstismara verildikdən etibarən "Şahdəniz" yatağından təqribən 189 milyard kubmetr qaz hasil olunub.

Trend bu barədə cümə günü bp-yə istinadən xəbər verir.

Yataqdan kondensat hasilatı bu dövr ərzində 41 milyon ton olub.

2023-cü ilin ilk üç ayında "Şahdəniz" yatağından ümumilikdə - Şahdəniz Alfa və Şahdəniz Bravo platformalarından birlikdə təqribən 7 milyard standart kubmetr qaz və 1 milyon tondan çox (təqribən 9 milyon barel) kondensat hasil edilib.

Mövcud Şahdəniz qurğularının hasilat gücü hazırda gündə təxminən 74 milyon (ildə təqribən 27 milyard) standart kubmetrdir.

Şahdənizdə iştirak payları belədir: bp (operator – 29,99%), Cənub Qaz Dəhlizi (21,02%), LUKOYL (19,99%), TPAO (19,00%) və NİKO (10,0%).

Twitter: @Lyaman_Zeyn

Məqalədə:
Xəbər lenti

Xəbər lenti