Sənaye və Energetika Nazirliyi (SEN) bu il "Babək" yatağında kəşfiyyat-axtarış işlərinin davam etdiriləcəyinə şübhə edir. Bu barədə Trend ə Nazirlikdə bildirilib.
"AR DNŞ ilin sonuna qədər burada tədqiqatlar aparmaq niyyətindədir, lakin bunun üçün gəmi və qurğuların cəlb olunması vacibdir. Hazırda bu avadanlıqlar xarici şirkətlər tərəfindən icarəyə götürülüb və onların ilin sonuna qədər qaytarılacağına ümid azdır. Bu səbəbdən yataqda kəşfiyyat- axtarış işləri 2006-cı ildən tez olmayaraq aparılacaq", - deyə nazirlikdə qeyd ediblər.
AR DNŞ "Babək" yatağında kəşfiyyat quyusu qazmağı planlaşdırır. Onun layihə dərinliyi 6200 metrə çata bilər.
Nazirlikdə həmçinin o da bildirilib ki, "Babək" strukturunda karbohidrogen ehtiyatları neft ekvivalentinin 300 mln tonunu təşkil edə bilər.
