Bakı, Sumqayit və ya şimal rayonlarının paylaşdırıcı şəbəkələrində problem yaranarsa, bu problemlər Barmek şirkəti tərəfindən aradan qaldırılacaq. Bu barədə Barmek-ın rəhbəri Hüseyn Arabul xəbər verib.
Onun sözlərinə görə, şirkət qəbul-təslim prosesinin başa çatmasına qədər işi davam etdirəcək. Dünən şirkət həmin şəbəkələrin idarəsindən imtina edib. H.Arabulun dediklərinə görə, təhvil-təslim prosesi avqustun 3-nə qədər başa çatmalıdır.
Şirkət rəhbərinin dediklərinə görə, Barmek 10 ildir ki, idarə etdiyi şəbəkələrlə bağlı fəaliyyət planını hazırlayıb. Bundan əlavə, 25 illik idarə müddəti üzrə plan da var və şirkət həmin planı şəbəkələri idarə edəcək müəssisəyə verməyə hazırdır.
Gələcək idarəçilik şirkət tərəfindən ödənişli əsasda həyata keçiriləcək.
