...

Azərbaycanda Xaçmaz yarımstansiyasının tikintisi üçün CNEEC ilə saziş imzalanacaq

Energetika Materials 14 Sentyabr 2006 15:09 (UTC +04:00)

Trend-i buradan izləyin

330 kV gücə malik Xaçmaz yarımstansiyasının tikintisi üçün tenderin qalibi olmuş Çinin CNEEC şirkəti ilə saziş yaxın günlərdə imzalanacaq. Bu barədə Trend ə "Azərnereji" səhmdar cəmiyyətinin vitse-prezidenti Marlen Əsgərov məlumat verib. Hazırda müqavilənin şirkətlə razılaşdırılması prosesi gedir.

Tender proseduru məsləhətçi - "Darl-həndəsə" ərəb konsaltinq şirkəti ilə birgə keçirilib. Yeddi iddiaçı öz təkliflərini təqdim edib: Almaniyanın Siemens, İsveçrə-İsveç ABB şirkəti, Fransanın Areva şirkəti, İranın Sunir və NECşirkətləri, Çinin CNEEC şirkəti.

Ehtimal olunur ki, Xaçmaz yarımstansiyasının tikintisi 2006-cı ilin sonunadək başlanacaq. Xaçmaz rayonunda müasir 330-kilovoltluq yarımstansiyasının tikintisi "2004-2008-ci illər üçün bölgələrin sosial-iqtisadi inkişafı üzrə dövlət proqramı" və "2005-2015-ci illər üçün yanacaq-energetika kompleksinin inkişafı üzrə dövlət proqramı"na daxil edilib. Layihənin gerçəkləşdirilməsi üçün İİB illik 6% faiz dərəcəsi ilə 12 il müddətinə 13,508 mln. dollar məbləğində kredit ayırıb.

Xaçmaz yarımstansiyası enerji sisteminin manevr qabiliyyətinin artırılması nöqteyi -nəzərindən böyük əhəmiyyət kəsb edir. Yarımstansiya Rusiya ilə elektrik enerjisi mübadiləsi aparan Yaşma-Dərbənd elektrik ötürücü xəttdən qidalanacaq. Hazırda belə yarımstansiya olmadığından, "Azərenerji" Yaşmada RF-dən elektrik enerjisi alaraq, şimal bölgələrini enerji ilə təchiz etmək üçün həmin enerjini geriyə nəql etməlidir. Gələcəkdə bölgədə paylayıcı funksiyanın yeni yarımstansiyaya verilməsi, qalan həcmin isə Bakının təchizatı üçün göndərilməsi nəzərdə tutulub.

Xəbər lenti

Xəbər lenti