Azərbaycan, Bakı / Trend / 2007-ci ilin birinci rübündə ABŞ Azərbaycandan 2,694 mln. barrel neft və neft məhsulları idxal edib. Bu barədə ABŞ Energetika Nazirliyinin tərkibinə daxil olan Energetika İnforomasiya Adminstrasiyasının məlumatında bildirilib.
Yanvarda 2,677 mln. barrel neft və neft məhsulları, martda 17 min barrel idxal olunub. Fevralda idxal olmayıb.
2006-cı ildə ABŞ 2005-ci ildə 563 min barrelə qarşı 10 mln. barrel Azərbaycan nefti və neft məhsulları alıb. 2004-cü ildə bu göstərici 484 min barrel təşkil edib.
Azərbaycan nefti Bakı-Supsa boru kəməri ilə çatdırılan Gürcüstanın Supsa limanından ixrac olunur. Hazırda bu boru kəmərində ilin sonunda başa çatacaq təmir işləri aparılır. Neft həmçinin Bakıdan dəmir yolu vasitəsilə çatdırılan Gürcüstanın Qara dəniz limanı - Batumi limanından ixrac olunur.
Başqa ixrac marşrutu nefti Türkiyənin Ceyhan limanına çatdıran Bakı-Tbilisi-Ceyhan boru kəməridir. Bu marşrut 2005-ci ildən işləyir.
