Azərbaycan, Bakı/ Trend , müxbir S.Babayeva, İ.Xəlilova/ Hazırda Azərbaycanda mobil rabitə abunəçilərinin sayı 4,2 mln. nəfərə çatır. Bu barədə bazar ertəsi Dövlət Statistika Komitəsinin rəhbəri Arif Vəliyev məlumat verib.
Ölkədə iki nəfərə bir mobil telefon düşür.
Yanvar-sentyabr aylarında ölkədə rabitə sahəsindəki gəlirlərin 70,6 faizi mobil rabitənin payına düşüb.
Azərbaycanda 3 GSM operatoru fəaliyyət göstərir. Bazarda daha böyük paya, 2,8 mln. nəfər abunəçi ilə, Azercell Telecom BM sahibdir. Bakcell abunəçilərinin sayı 700 min nəfər, Azərfon abunəçilərinin sayı 100 min nəfəri ötür.