...

Azərbaycanın Rabitə Nazirliyi "LS Summit-2008"də iştirak edəcək

Telekommunikasiya Materials 20 İyun 2008 15:10 (UTC +04:00)

Azərbaycan, Bakı, 20 iyun / Trend / Azərbaycan Rabitə və İnformasiya Nazirliyinin Dövlət Radiotezlik İdarəsinin müdiri Əflatun Məmmədov Almaniyanın "LS Telcom" şirkəti tərəfindən təşkil olunacaq "LS Summit-2008" telekommunikasiya konfransında iştirak edəcək. Bu barədə nazirliyin mətbuat xidmətindən məlumat verilib.

Bu, şirkət tərəfindən təşkil olunacaq sayca 13-cü konfransdır.

Konfrans iyulun 2-də Lixtenauda (Almaniya) "LS Telcom"un baş qərargahında keçiriləcək.

Görüşdə radioyayım diapozon tezliklərində şəbəkəyə geniş xəttli çıxış, rəqəmsal mühitdə radio, radiotezlik resurslarından istifadə ilə monitorinq və idarəetmə sistemlərinin imkanları üzrə məruzələr dinləniləcək.

"LS Telcom" DVB-H sistemlərin, şəxsi çoxstandartlı kompyuter proqramı vasitəsilə hibrid və yayım şəbəkələrinin, konsaltinq və mühəndis xidmətlərinin planlaşdırılması, koordinasiyası və optimallaşdırılması sahələri üzrə ixtisaslaşıb.

Xəbər lenti

Xəbər lenti