Azərbaycan, Bakı, 29 oktyabr/ Trend , müxbir Ü.İsmayılova/ "Azərbaycanda şəhərdaxili telefon danışıqılarına limit 2009 - cu ilin ikinci yarısında tətbiq edilə bilər", - deyə çərşənbə günü Qarşılıqlı Rouminq Ekspertlər Qrupunun (QREQ) illik iclasında rabitə və informasiya texnologiyaları nazirinin müavini İltimas Məmmədov bildirib.
"Limit tətbiqi bütün telefon xəttlərinin elektronlaşdrılması prosesi başa çatmadığından, hələlik dayandırılıb", - deyə Məmmədov bildirib.
Rabitə Nazirliyi 2007-ci ildə şəhərdaxili telefon danışıqları üzrə limitin tətbiqinə dair məsələ qaldırıb. O zaman təklif Tarif Şurası tərəfindən dəstəklənməyib. Bunun əvəzinə, ötən il iyunun 1-dən beynəlxalq telefon danışıqlarına yeni tariflər tətbiq edilib, aylıq abunə haqları təqribən üç dəfə - iki manatadək artırılıb. Nazirlik bir telefon xidmətinin dəyərini üç manat qiymətləndirir.
Nazir Əli Abbasovun əvvəllər bildirdiyinə görə, şəhərdaxili telefon danışıqlarına limitin tətbiq edilməsi telefon şəbəkəsindən səmərəli istifadə üçün mühümdür və bu iş sistemində əhalinin maddi imkanları nəzər alınacaq, yəni vətəndaşlara bir neçə ödəmə variantı təklif olunacaq.
Məqalə müəllifi ilə əlaqə ünvanı - [email protected]
