Azərbaycan, Bakı, 05 oktyabr / Trend , müxbir H.Vəliyev /
2010-cu ildə "Aznar" ASC Bakı və Moskva ofislərini, həmçinin Göyçaydakı zavodu vahid VPN (Virtual Private Network) şəbəkəsinə birləşdirəcək, bu barədə bazar ertəsi Trend a ASC-nin marketinq üzrə meneceri Əli Abdulov bildirib.
Virtual özəl şəbəkənin yaradılması müəssisənin ofislərini vahid müdafiə olunan özəl korporativ şəbəkədə birləşdirməyə imkan verəcək. Şəbəkə telekommunikasiya xidmətlərinin geniş spektrini əhatə edir: məlumatların ötürülməsi, filiallar ilə korporativ telefon əlaqəsi, paylayıcı ofislər arasında distansiya iclaslarının keçirilməsi üçün videokonfrans əlaqə, İnternet şəbəkəsinə çıxış, mühafizə olunan elektron sənəd dövriyyəsi sisteminin təşkili və s.
Abdulovun sözlərinə əsasən, müəssisənin biznesinin artımı təbii olaraq ərazi paylama ofisləri ilə operativ əlaqə saxlanılmasına ehtiyacın yaranmasına səbəb olub ki, bununla da əlaqədar olaraq uzaq bölmələr arasında mükəmməl informasiya qarşılıqlı fəaliyyəti ilə əlaqədar yaranan problemlərin aradan qaldırılmasına dair qərar verilib.
Məqalə müəllifi ilə əlaqə ünvanı: [email protected]