...

"Şərq-Qərb" informasiya supermagistralı layihəsi üzrə konsorsium yaxın vaxtlarda yaradılacaq – nazir müavini

Telekommunikasiya Materials 28 İyul 2010 12:33 (UTC +04:00)

Azərbaycan, Bakı, 28 iyul /Trend, müxbir Q.Vəliyev/

Yaxın vaxtlarda "Şərq-Qərb" transmilli informasiya supermagistralı layihəsi çərçivəsində konsorsiumun yaradılması gözlənilir. Bu barədə çərşənbə günü Azərbaycan rabitə və informasiya texnologiyaları nazirinin müavini Elmir Vəlizadə deyib.

Vəlizadənin sözlərinə görə, bu istiqamətdə hazırda bu layihəyə tərəfdar çıxan tərəflərlə danışıqlar aparılır. Bunlar müxtəlif şirkət, müəssisə və təşkilatlardır.

"Şərq-Qərb" informasiya supermagistralının yaradılması üzrə Azərbaycanın irəli sürdüyü təşəbbüs BMT Baş Assambleyasının 64-cü sessiyasının 66-cı iclasında qəbul edilib. Təşkilat yoxsulluq səviyyəsinin aşağı salınmasına, iqtisadiyyatın səviyyəsinin artırılmasına istiqamətlənən və regiounun inkişafı üçün lokomatıv rolunu oynayacaq layihəni alqışlayıb.

Layihə ümumilikdə 20 ölkəni birləşdirəcək və regionun inkişafında mühüm rol oynayacaq. Layihənin həyata keçirilməsi Qərbi Avropa və Sakit okean hövzəsinə daxil olan ölkələr arasındakı "informasiya uçurumu"nu aradan qaldırmağa imkan verəcək.

Xəbər lenti

Xəbər lenti