Azərbaycan, Bakı, 6 oktyabr /Trend, müxbir H.Vəliyev/
SİNAM şirkəti və "Qafqaz" Universiteti Azərbaycanın İKT sektoru üçün kadrların hazırlanması sahəsində əməkdaşlıq haqqında saziş imzalayıblar. Bu barədə şirkətin çərşənbə günü yayılan məlumatında deyilir.
Müqaviləyə əsasən, SİNAM universitetə müəllimlərin İKT sahəsində biliklərinin artırılmasına yardım göstərəcək, İT-ixtisaslar üzrə tələbələr üçün təcrübə təşkil edəcək, təhsil müəssisəsinə müxtəlif istiqamətlər, o cümlədən təhsilin idarə edilməsi sisteminin tətbiqi (Learning Management System) üzrə texniki dəstək verəcək.
SİNAM şirkətinin rəhbəri Elçin Əliyevin sözlərinə görə, əməkdaşlığın başlıca məqsədi İKT sektoru üçün kadr potensialının inkişaf etdirilməsidir.
"Universitet və şirkətin uğurlu dünya modeli "təhsil müəssisəsi - biznes" çərçivəsində əməkdaşlığı bu məsələni həll etməyə və istedadlı gənclərin karyerası üçün real imkanlar yaratmağa imkan verəcək", - Əliyev bildirib.
"Qafqaz" Universitetinin rektoru Əhməd Sanıçın sözlərinə görə, bu gün başqa sahələr üçün kadrların hazırlanması üzrə təhsil müəssisəsi "Azercell", "Azersun", BP və digərləri ilə əməkdaşlıq edir. Rektorun sözlərinə görə, İT şirkətlə əməkdaşlıq tədris proqramını real sektorun ehtiyaclarına maksimum uyğunlaşdırmağa və yüksək ehtiyac olacaq mütəxəssislərin hazırlanmasına kömək edəcək.
