Azərbaycan, Bakı, 1 fevral/Trend, müxbir H.Vəliyev/
Fevralın sonunda Rusiyanın sistem inteqratoru "Cet infosistemləri" və Ukraynanın "Finans servis" şirkəti "Sığorta şirkətləri üçün kompleks İT qərarlar" mövzusunda ikigünlük seminar keçirəcəklər. Bu barədə çərşənbə axşamı "Cet infosistemləri" şirkətinin məlumatında deyilir.
Seminar zamanı sığorta şirkətlərinin rəhbərlərinə və aparıcı mütəxəssislərinə proqram sistemlərinin tərkibləri və funksiyaları təqdim ediləcək.
Mütəxəssislər sığorta şirkətlərinin biznesinin inkişafı üçün "Kompleks İT qərarlar"ın tətbiqinin faydası və üstünlüyü barədə danışacaqlar, eləcə də seminar iştirakçılarını "Kompleks İT qərarlar"ın və istifadəçilərin təlim metodologiyası üzrə tətbiq edilən layihələrin həyata keçirilməsi texnologiyaları ilə tanış edəcəklər.
Seminarın proqramına sığorta şirkətlərinin bölmələrinin mütəxəssisləri üçün mühazirələrin aparılması daxildir. Mütəxəssislər müştərilərə xidmətlərin göstərilməsinin və sığorta müqavilələrinin müşayiət olunmasının biznes prosesləri üçün proqram sistemlərinin qarşılıqlı fəaliyyətinin avtomatlaşdırılması ilə tanış ola bilərlər.
"Kompleks İT qərarlar"ın tərkibinə "Qalaktika-sığorta" sığorta fəaliyyətinin uçot sistemi, "ERP Qalaqtika" sığorta şirkətinin resurslarının idarə edilməsinin kompleksli sistemi, biznes proseslərin və DІRECTUM sənəd dövriyyəsi sisteminin idarə edilməsi, eləcə də istifadəçilərin MOODLE bazası əsasında distansiyalı təhsil sistemi daxildir.
"Kompleks İT qərarlar" sığorta şirkətinin bölmələrinin, sığorta şirkətinin əməliyyat dəstəyi bölməsinin (təkrar sığortalanma, itkilərin nizamlanması və s.), sığorta şirkətinin ofisinin bölmələrinin (sığorta şirkətinin resursların idarə edilməsi, mühasibat uçotu, hesabatın formalaşdırılması) biznes proseslərinin kompelks avtomatlaşdırılamsını təmin edir.
Hazırda "Kompleks İT qərarlar" Azərbaycan qanunvericiliyinə və beynəlxalq mühasibat uçotu standartlarına uyğunlaşdırılıb. Sığorta şirkətlərinin mütəxəssislərinə "AXA-sığorta" şirkətinin timsalında Ukrayna sığorta bazarının təcrübəsi nümayiş etdiriləcək. "AXA-sığorta"da beş min istifadəçi 2009-cu ilin martından "Qalaqtika-sığorta" sistemində işləyir.
