Azərbaycan, Bakı, 19 mart /Trend/
Azərbaycanın Əmək və Əhalinin Sosial Müdafiəsi Nazirliyi Beynəlxalq Maliyyə Korporasiyasının krediti çərçivəsində kompüter avadanlığının alışına dair tender elan edib. Trend-in məlumatına görə, bu barədə nazirliyin şənbə günü yaydığı məlumatda deyilir.
Tender çərçivəsində 1 saylı lot üzrə masaüstü kompüter, LCD-monitor və digər avadanlıqların alınması nəzərdə tutulub. 2 saylı lot noutbuk və netbukların, 3 saylı lot printer və surətçıxarma maşınlarının, 4 saylı lot isə UPS və digər avadanlıqların (simsiz modem, fleş-kart, kamera və s.) alışını nəzərdə tutur.
Bütün lotlar üzrə çatdırılma müddəti müqavilə imzalanan andan səkkiz həftədir. Çatdırılma Bakı rayonlarına və Azərbaycan regionlarına həyata keçirilməlidir. Tender təklifləri 27 aprel 2011-ci il tarixinədək nazirlikdə qəbul edilir.
Əlavə məlumat əldə etmək üçün +994-12-596-0936, +994-12-596-0984 telefonlarına, +994-12-596-0923 faksına və ya [email protected], [email protected] elektron poçtlarına müraciət etmək olar.