Azərbaycan, Trend, 2 iyul /Trend, müxbir A.Axundov/
Azərbaycan Qiymətli Kağızlar üzrə Dövlət Komitəsində (QKDK) avtomatlaşdırılmış elektron xidmətlər sistemi yaradılıb və "Elektron Hökumət" portalına inteqrasiya edilib. Trend-in məlumatına görə, bu barədə Komitənin bazar ertəsi yaydığı məlumatda deyilir.
"Dövlət orqanlarında elektron xidmətlər göstərilməsinin təşkili sahəsində bəzi tədbirlər haqqında" Azərbaycan Respublikası Prezidentinin 23 may 2011-ci il tarixli fərmanının icrası üzrə işlərin davamı olaraq, rüsumların real vaxt rejimində elektron formada ödənilməsi, eləcə də aparılan əməliyyatların və fərdi məlumatların təhlükəsizliyi təmin edilib.
Hazırda portala Azərbaycanın 30-a yaxın dövlət müəssisəsi qoşulub. Artıq bir sıra dövlət müəssisələri elektron xidmətlərin inteqrasiyası üzrə işlər görür.