...

İcazələrin elektron informasiya portalından istifadə edənlərin sayı 156 mini ötüb

Telekommunikasiya Materials 18 İyul 2013 13:18 (UTC +04:00)
İcazəverici sənədlər və onların alınması prosedurları barədə ölkə vətəndaşlarının, eləcə də sahibkarların məlumatlılıq səviyyəsinin yüksəldilməsi məqsədilə İqtisadi İnkişaf Nazirliyi tərəfindən yaradılmış www.icazeler.gov.az portalını iyun ayında 12 minə yaxın internet istifadəçisi ziyarət edib.
İcazələrin elektron informasiya portalından istifadə edənlərin sayı 156 mini ötüb

Azərbaycan, Bakı, 18 iyul /Trend, müxbir E.Əliyev/

İcazəverici sənədlər və onların alınması prosedurları barədə ölkə vətəndaşlarının, eləcə də sahibkarların məlumatlılıq səviyyəsinin yüksəldilməsi məqsədilə İqtisadi İnkişaf Nazirliyi tərəfindən yaradılmış www.icazeler.gov.az portalını iyun ayında 12 minə yaxın internet istifadəçisi ziyarət edib.

Nazirliyin mətbuat xidmətindən Trend-ə verilənn məlumata görə, internet istifadəçilərinin 300-dən çoxu Almaniya, Türkiyə, ABŞ, Rusiya, Tailand, Böyük Britaniya, İran, Lüksemburq, İsveç, Ukrayna, Çexiya, Rumıniya, Sloveniya, Mərakeş, Polşa, Gürcüstan, Qətər, İsveçrə, Çin və Finlandiyadan olub.

Ümumilikdə indiyədək portalın fəaliyyətindən 156 mindən çox internet istifadəçisi yararlanıb.

Sahibkarların məlumatlılıq səviyyəsini artırmaq, qanunvericilik aktlarının hazırlanması prosesində onların yaxından iştirakını təmin etmək məqsədilə mərkəzi icra hakimiyyəti orqanlarının qanunvericilik aktlarının layihələri də icazələrin elektron informasiya portalında yerləşdirilir. İyun ayında 2, ümumilikdə isə 114 qanunvericilik aktının layihəsinin icazələrin elektron informasiya portalında yerləşdirilməsi təmin edilib.

Məqalədə:
Xəbər lenti

Xəbər lenti