Aztelekom İstehsalat Birliyi (İB) Naftalandakı rabitə evini bərpa edəcək. İB-də Trend ə bildirildiyi kimi, bu işlər Naftalanda mərkəzi ATS-in tam elektronlaşdırılmasından sonra həyata keçiriləcək.
İB-də qeyd ediblər ki, hazırda Goranboy-Naftalan istiqamətində Fəhrəli, Ağamoğlan, Xoylu, Nizami, Qarapirimli və digər kəndlərə optik kabellərin çəkilməsi üzrə işlər başa çatıb.
"Goranboy və Naftalandakı TKQ-nin elektronlaşdırılması üzrə işlərin oktyabrda başa çatacağı planlaşdırılır", - deyə İB-də bildirilib.
TKQ-nin tam elektronlaşdırılması üzrə işlərə daxil olan Naftalan şəhər ATS-nin bərpası İskratel (Sloveniya), Goranboy Mərkəzi rayon ATS-nin elektronlaşdırılması Huawei Tech investment (Çin), Goranboy TKQ kənd telefon şəbəkəsinin tam elektronlaşdırılması isə Karel (Trükiyə) şirkətləri tərəfindən həyata keçirilir.