Dövlət bankı olan "Kapitalbank" üçün bank proqramının alınması məqsədilə keçirilən tenderin nəticələri bu günlərdə məlum olacaq. Trend bildirir ki, bankın idarə heyətinin sədri Rauf Rzayev bu gün keçirilən brifinqdə bu barədə bəyan edib. Tender Dünya bankı tərəfindən Hindistanın Infosys Technology şirkəti ilə müqavilə ləğv edildikdən sonra elan edib.
Tenderdə dörd şirkətin - Türkiyənin Yap, Rusiyanın "SEFTA", Hindistanın Iflex və Fransanın BUL iştirak etməsinə baxmayaraq texniki təkliflərin qiymətləndirilməsi üç şirkət arasında aparılır. R.Rzayev tenderdən çıxan şirkətin adını çəkməyib. Onun fikrincə, tədarükçü ilə müqavilə 2005-ci ilin sonunadək bağlana bilər. Tender DB-nin "Azərbaycanın maliyyə sektoruna texniki yardım" (FSTA) krediti çərçivəsində aparılır. Bu dəfə bütün proqramların verilməsi üzrə müqavilə bağlanması planlaşdırılır.
Kapitalbank-ın tələblərinin genişlənməsi ilə bağlı olaraq layihənin gerçəkləşdirilməsi üçün daha çox vəsait tələb olunur. Bankın əsas kitabına 11 modul tələb olunur. Bu tədbirlərdə DB təxminən $1,2 mln.kredit xətti qoyub. Şirkətlər tərəfindən təklif olunmuş qiymətlər orta həddə $1 mln. - $1 mln. 400 min arasındadır.
Britaniya-Hindistan şirkəti olan Infosys Technology ilə müqavilənin dəyəri $918 min həcmində göstərilir. Infosys Technology ilə müqavilənin icrasına 2004-cü ilin sentyabrında başlanılmalı idi.
