Azərbaycanın Rabitə və İnformasiya Texnologiyaları Nazirliyinin beynəlxalq münasibətlər və hesablama mərkəzi yüksək texnologiyaların inkişafı üzrə ölkədə xüsusi iqtisadi zonanın yaradılmasına xidmət göstərilməsi üzrə konsaltinq şirkətinin seçimi üzrə tenderin baş tutmadığını bildirib. Bu barədə Trend ə nazirlikdən bildiriblər.
Tenderdə yalnız iki konsaltinq şirkəti iştirak etdiyindən o, baş tutmayıb. Azərbaycan Respublikasının "Dövlət Satınalmaları haqqında" qanununun 11-ci maddəsinə əsasən, əgər tenderdə iştirak etmək üçün tender təklifi təqdim edən iddiaçıların sayı üçdən azdırsa, alıcı təşkilat tenderi davam etdirməkdən imtina edir. Tenderdə iştirakın dəyəri 2 min AZN təşkil edib.
Rabitə Nazirliyi konsaltinq şirkətinin 4 ay ərzində Azərbaycanın yüksək texnologiyaları sektorunun vəziyyətini təhlil etməsini, ölkədə yüksək texnologiyaların xüsusi zonalarının yaradılmasının məqsədəuyğunluğunun müəyyən olunması, eyni strukturun yaradılmasının, onun sektorun inkişafına və, ümumilikdə, ölkə iqtisadiyyatının inkişafına təsirinin təhlilini aparacığını ehtimal edir.
"Biz, yaranmış vəziyyətin necə həll olunması ilə əlaqədar satınalmalar üzrə dövlət agentliyi ilə müzakirələr aparırıq", - deyə Rabitə Nazirliyindən bildiriblər.
