Softline AİST şirkəti ilə birgə Bakıda seminarlar keçirəcək. "Softline"-na istinadən Trend xəbər verir ki, 23 noyabrda keçiriləcək seminarın mövzusu "Saytların effektiv idarəsi. NetSat imkanları" olacaq. AİST şirkətinin NetCat kontent idarə sistemi (CMS, Content Management System) Rusiya bazarında öndə gedənlərdəndir. Universal üsul olan NetCat müxtəlif səviyyədə- minimal kontentli sadə saytlardan tutmuş mürəkkəb veb-sistemlərə, portallara, ticarət meydançaları və KİV-ə qədər informasiya sistemlərini yaratmağa və tətbiq etməyə, eyni zamanda müxtəlif istiqamətli və istənilən çətinlik səviyyəsində olan İnternet layihələri reallaşdırmağa imkan yaradır. "NetCat"-in əsas imkanları aşağıdakılardır: ənənəvi üsullarla saytların yaradılmasından fərqli olaraq müddətin azalması, bir qurulmuş sistemlə bir neçə müxtəlif saytı idarə etmək mümkün olacaq. Sistem praktiki olaraq istənilən müasir hostinqə əlavə proqram yükləmədən quraşdırıla bilər. Saytdakı informasiyanın idarəsi istifadəçi və ya istifadə hüquqlarının düzgün bölünməsi şəraitində istifadəçilər qrupu tərəfindən həyata keçirilir. Saytları bütünlükdə idarə etmək üçün istifadəçinin kompüterdə ofis proqramları ilə işləyə bilməsi kifayətdir və bu zaman proqramlaşdırmanın və işarələrinin ixtisaslaşma dillərini bilmək lazım deyil. NetCat sistemi əsasında olan sayt istənilən qrafiki animasiya elementlərini, müxtəlif çətinlikdə olan dizayner məsələlərini istifadə etmək imkanı verir. NetCat sistemində müxtəlif funksional imkanlar, məsələn, sayta baş çəkənlərlə interaktiv ünsiyyət imkanları, səsvermə, sorğular, müxtəlif növ forumlar reallaşdırılıb. İşləyənlər əlavə modulları sərbəst yaratma imkakanına malikdir.
Seminarda üstünlüklər və real vaxt rejimində "NetCat 2.4" variantının işi haqqında informasiya veriləcək. Seminarı AİST şirkətinin baş direktoru Dmitri Vasilyev aparacaq.