Dövlət Statistika Komitəsinin məlumatına istinadən Trend bildirir ki, 2006-cı ilin yanvar-noyabr ayları ərzində rabitə sahəsində 489,4 mln. manat həcmində xidmət göstərilib ki, bu da 2005-ci ilin analoji dövrü ilə müqayisədə 24,6 faiz çoxdur
Bu göstəricinin 73,3 faizi özəl şirkətlərin payına düşür, artım 25,1 faiz təşkil edib. Bu zaman əldə olunan gəlirlərin 75,6 faizi əhaliyə göstərilmiş rabitə xidmətlərinin payına düşüb.
Mobil rabitədən istifadədən əldə olunan gəlir əvvəlki illə müqayisədə 24,2 faiz artıb.
Azərbaycanın regionlarında da nəzərəçarpacaq artım müşahidə olunur. Abşeron iqtisadi zonasında telekommunikasiya xidmətlərinin həcmi 8,9 faiz, Quba-Xaçmaz zonasında - 13,7 faiz, Şirvanda zonasında - 9,6 faiz, Şəki-Zaqatala zonasında - 26,5 faiz, Gəncə-Qazax zonasında - 16,1 faiz, Naxçıvanda -13,6 faiz, Lənkəran və Aran zonasında - 16,9 faiz artıb.