Azərbaycan, Bakı/ Trend müxbir S.Babayeva/ Azərbaycanın mobil operatoru - "Azercell Telekom" BM ilə Tanzaniyanın "Zanzibar Telecom Ltd" (ZANTEL) və Ekvatorial Qvineyanın "Getesa" (Orange) operatorları arasında rouminq xidməti istifadəyə verilib. Bu, Tanzaniya mobil operatorları ilə sayca ikinci, Ekvatorial Qvineya operatorları ilə isə birinci rouminq müqaviləsidir.
"Azercell Telekom" BM 136 ölkənin mobil rabitə operatorları ilə 316 rouminq sazişi bağlayıb.
Azercell 1996-cı ildə yaradılıb. İlk təsisçilər isəTurkcell İletişim Hizmetleri A.S. və Azərbaycanın Rabitə Nazirliyi olub. 1996-cı ilin dekabrından fəaliyyətə başlayan şirkət abonentlərə sonradan ödəmə ilə, 1998-ci ildən isə öncə ödəmə tarifləri ilə olan mobil rabitə xidmətləri təklif edib. Hazırda şirkətin abonentlərinin sayı 2,3 mln. nəfərdən çoxdur.