Azərbaycan, Bakı, 15 avqust /Trend, müxbir A. Axundov/
Məcburi Köçkünlərin Sosial İnkişaf Fondu Dünya Bankının (DB) "Məcburi köçkünlərin Yaşayış Şəraiti və Gəlir İmkanlarının Dəstəklənməsi" layihəsi çərçivəsində məcburi köçkünlərin məskunlaşdıqları ictimai yaşayış yerlərinin təmir olunması ilə bağlı tender elan edib.
Trend-in məlumatına görə, bu barədə fondun "Xalq Qəzeti"ndə dərc olunan məlumatında bildirilir.
Məlumata görə, tenderdə iştirak haqqı 50 (əlli) manat təşkil edir.
Tender təklifi 16 sentyabr 2013-cü il saat 16:00 tarixinə qədər fonda (Bakı ş, Tbilisi prospekti, 57D) təqdim edilməlidir.
Tenderlə bağlı əlavə məlumat əldə etmək üçün aşağıdakı ünvana müraciət etmək olar:
Tel.: (99412) 431-87-69.
Faks: (99412) 431-82-11.