Azərbaycan, Bakı, 11 oktyabr /Trend, müxbir E.Əliyev/
Dövlət Sosial Müdafiə Fondu (DSMF) Şirvan Rayon Şöbəsinin yeni inzibati binasının tikintisi işlərinin satın alınması ilə əlaqədar tender elan edib.Trend-in məlumatına görə, bu barədə Tender Komissiyasının "Respublika" qəzetində dərc olunan məlumatında bildirilir.
Məlumata görə, tenderdə iştirak haqqı 150 manat təşkil edir.
Tender proseduru keçirildiyi tarixdən ən azı 30 bank günü qüvvədə olan tender təklifləri, tender təklifinin iki faizi həcmində bank təminatı (tender proseduru keçirildiyi tarixdən sonra ən azı 60 bank günü qüvvədə olmaqla) ilə birlikdə 21 noyabr 2013-cü il saat 17:00-dan gec olmayaraq DSMF-yə təqdim edilməlidir.
Tender təkliflərinin açılışı 22 noyabr 2013-cü il saat 16:00-da DSMF-nin Şirvan Rayon Şöbəsində baş tutacaq.
Tenderlə bağlı əlavə məlumat əldə etmək üçün aşağıdakı ünvana müraciət etmək olar:
Şirvan şəhəri, M. Rəsulzadə küçəsi, 12
Tel: 02121-5-10-22.
