Bakı. Trend:
ABŞ Dövlət Departamenti Çinin Tayvan ətrafında keçirdiyi genişmiqyaslı hərbi təlimlər fonunda Pekini dialoqa və təmkinli olmağa çağırıb.
Trend xəbər verir ki, bu barədə ABŞ Dövlət Departamentinin yaydığı bəyanatda qeyd olunub.
Bəyanatda vurğulanıb ki, Çinin Tayvana və regiondakı digər ölkələrə qarşı hərbi fəaliyyəti və ritorikası gərginliyi lazımsız şəkildə artırır. ABŞ tərəfi Pekini təmkin nümayiş etdirməyə, Tayvana qarşı hərbi təzyiqi dayandırmağa və bunun əvəzinə konstruktiv dialoqa üstünlük verməyə çağırıb.
ABŞ Dövlət Departamenti bildirib ki, Vaşinqton Tayvan boğazında sülhü və sabitliyi dəstəkləyir və status-kvonun birtərəfli qaydada, o cümlədən güc və ya məcburiyyət yolu ilə dəyişdirilməsinə qarşıdır.