Azərbaycan, Bakı, 23 aprel/ Trend müxbir C.Babayeva/ Gürcüstanın Azərbaycandakı səfirliyində mayın 21-də keçiriləcək parlament seçkiləri ilə əlaqədar seçki məntəqəsinin açılması planlaşdırılır. Bu barədə səfirliyin mətbuat xidmətinin əməkdaşı Mamuka Balavadze Trend -a məlumat verib.
Onun sözlərinə görə, bununla əlaqədar rəsmi qərar hələ qəbul edilməyib.
Parlament seçkilərində iştiraka Gürcüstanın 62 siyasi partiyası iddia edir. Yeni çağırış parlament 150 deputatdan ibarət olacaq (bu çağırış parlamentində 235 deputat), onlardan 75-i proporsional, qalan 75-i isə majoritar qaydada seçiləcək.
Gürcüstanda yanvarın 5-də keçirilən növbədənkənar prezident seçkiləri zamanı Gürcüstanın Azərbaycandakı səfirliyində, Azərbaycanda müvvəqəti yaşayan 669 Gürcüstan vətəndaşı olub və onlar səsvermə prosesində iştirak ediblər.
Müəlliflə əlaqə saxlamaq üçün elektron ünvan: [email protected]
