Azərbaycan, Bakı, 08 may/ Trend , müxbir E.Hüseynov/ Gallup xidməti dünyanın 138 ölkəsində keçirilmiş sorğunun nəticələrini açıqlayıb. Respondntlər bu suala cavab veriblər: "Siz Rusiyanın hazırki hakimiyyətinin işinin nəticələrini təqdir edirsiniz və ya təqdir emirsiniz?".
Ümumilikdə hazırki nəsil Rusiya liderlərinin idarəetməsinin nəticələrini tez-tez təqdir etmirlər. Avropa İttifaqı ölkələrində təqdir etməyənlər - 43 faiz, təqdir edənlər -cəmi15 faiz. Cənubi və Şimali Amerikada bu nisbət belədir: 22 faiz -18 faiz, Yaxın Şərq və Şimali Afrika - 49 faiz - 29 faiz.
Rusiya siyasəti postsovet dövlətləri əhalisi arasında rekord səviyyədə dəstəklənir. Belə ki, Tacikistanda rəyi soruşulanların 92 faizi Moskvanın hərəkətlərini yüksək qiymətləndirir, Qırğızıstan - 89 faiz, Qazaxsıtan - 87 faiz, Azərbaycan - 66 faiz, Moldova - 62 faiz, Ukrayna - 53 faiz, Belarus - 51 faiz, Özbəkistan - 50 faiz. Gürcüstan və Ermənistanda "dəstək səviyyəsi" "qəbul etməmə səviyyəsi"dən azdır və müvafiq olaraq, 22 və 30 faiz təşkil edir.
Avropada Serbiya (63%), Makedoniya (56%) i Çernoqoriya (49%) əhalisi Rusiya siyasətini dəstəkləməyə meyllidir. Rusiya hakimiyyətinə daha az meyl Fransadadır (6% təqdir edən). Kosovoda bu göstərici 19% təşkil edir.
Yaxın Şərqdə Rusiyanın siyasətini dəstəkləyənlər daha çox Livan (48%) Mərakeş (38%) və İrandadır (37%). Regionun qalan bütün ölkələrində Moskvanın hərəkətləri mənfi qiymətləndirilir. Washington ProFile-in məlumatına görə, Saxaradan cənubda Afrikada Moskvaya meyllilik daha çox Madaqaskar və Konqoda (hər birində 65%) və Malidə (61%), daha az isə Liberiya (14%) və CAR-dadır (17%).
