Azərbaycan, Bakı, 03 iyun / Trend , müxbir R.Hafizoğlu /
İslam Konfransı Təşkilatının (İKT) baş katibi Ekmələddin İhsanoğlu Misirə səfəri zamanı ABŞ Prezidenti Barak Obama ilə görüşəcək. Bu barədə İKT-dən Trend -a daxil olan məlumatda bildirilir.
ABŞ Prezidenti Barak Obama Yaxın Şərqə səfəri çərçivəsində Səudiyyə Ərəbistanı və Misirə səfər edəcək. Prezident Obama bu gün rəsmi səfərlə Səudiyyə Ərəbistanına gəlib.
İKT-nin baş katibi ABŞ Prezidentinə inoqurasiya zamanı rəsmi məktub göndərərək, ABŞ və İslam dünyası arasında əməkdaşlığın zəruriliyini bildirmişdi.