İranın müdafiə naziri Əhməd Vəhidi bildirib ki, "Rəzm" adlı 120 mm-lik minaatan və "Kəviran" adlı ¾ tonluq taktiki avtomobilin istehsalına başlanılıb. Bu barədə İranın sepahnews.com xəbər saytı məlumat verir.
Vəhidi deyib ki, "Kəviran" avtomobili əsgər daşımaq, "təcili yardım" avtomobili kimi istifadə olunmaqla yanaşı, 107 mm-lik raketatan qurğunu və 120 mm minaatanı daşıma qabiliyyətinə malikdir.
Vəhidi 120 mm-lik "Rəzm" minaatanı ilə bağlı deyib ki, yerli mütəxəssislərin səyi nəticəsində, bu minaatanın atış məsafəsi 16 kilometrə qədər artırılıb.