İsrail Prezidenti Şimon Peresin həyat yoldaşı cümə axşamı 87 yaşında Təl-Əvivin şimalında yerləşən evində dünyasını dəyişib. Bu barədə yerli KİV məlumat verib.
İlkin məlumatlara görə, Sonya Peresin ölümünə yuxuda ikən ürəktutma səbəb olub.
Qızlıq soyadı Gelman olan Sonya Peres 1923-cü ildə Polşada anadan olub və uşaq ikən ailəsi ilə birlikdə Fələstinə köçüb.
1945-ci ildə Gelman Şimon Peresə ərə gedib. Onların 3 uşağı, 8 nəvəsi və 2 nəticəsi var.
2007-ci ildə həyat yoldaşı İsrail Prezidenti seçildikdən sonra o, Pereslə birgə Qüdsdəki iqamətgaha köçməkdən imtina edib və ər-arvad son illəri faktiki olaraq ayrı yaşayıblar.