...

Türkiyə HHQ İraqın şimalında PKK mövqelərinə yeni zərbələr endirib

Dünya xəbərləri Materials 1 Dekabr 2011 11:09 (UTC +04:00)
Gecə saatlarında Türkiyənin Hərbi Hava Qüvvələri (HHQ) İraqın şimalında terrorçu Kürd Fəhlə Partiyasının (PKK) mövqelərinə yeni zərbələr endirib.
Türkiyə HHQ İraqın şimalında PKK mövqelərinə yeni zərbələr endirib

Azərbaycan, Bakı, 1 dekabr / Trend müxbir R.Hafizoğlu/

Gecə saatlarında Türkiyənin Hərbi Hava Qüvvələri (HHQ) İraqın şimalında terrorçu Kürd Fəhlə Partiyasının (PKK) mövqelərinə yeni zərbələr endirib. Trend-in məlumatına görə, bu barədə Türkiyənin "Sabah" qəzeti yazıb.

Avqustun 17-də PKK yaraqlılarının Türkiyənin şimal-şərqində törətdikləri hücumdan sonra Türkiyə HHQ mütəmadi olaraq terrorçuların hədəflərinə avia zərbələr endirir.

PKK yaraqlılarının oktyabrın 19-na keçən gecə İraqla həmsərhəd olan Hakkari vilayətində 24 hərbiçinin həlak olması və 18-nin yaralanması ilə nəticələnən terror aktına cavab olaraq türk ordusu cümə axşamı İraqın şimalındakı beş rayonda yerüstü və hava əməliyyatlarına başlayıb. Əməliyyatlara 10 minlik qoşun qruplaşması, o cümlədən xüsusi təyinatlılar cəlb edilib.

Türkiyə ilə PKK arasında münaqişə 25 ildən artıqdır davam edir. Bu münaqişə 40 mindən artıq insanın həyatına son qoyub. PKK BMT, eləcə də Ankaranın tamhüquqlu üzv kimi daxil olmağa çalışdığı Aİ tərəfindən terror təşkilatı kimi tanınıb.

Xəbər lenti

Xəbər lenti