Gürcüstan, Tbilisi, 2 mart /Trend müxbir N. Kirsxaliya/
Bu gün Gürcüstan parlamenti orduda xidmət müddətinin 3 ay artırılmasını nəzərdə tutan hərbi xidmət haqqında əsas qanuna dəyişikliyi təsdiq edib.
Deputatlar dəyişiklik təşəbbüskarlarının fikri ilə razılaşıblar. Onların fikrincə, yeni çağırışçıların hazırlığı üçün 1 il kifayət etmir.
Bununla da 2012-ci il yaz çağırışından başlayaraq məcburi hərbi xidmət müddəti 12 aydan 15 aya qədər uzadılacaq.
Qanun layihəsinə əsasən, məcburi hərbi xidmət müddətinin uzadılması dəyişikliyin edilməsinə qədər xidmətə çağırılan kişilərə şamil olunmayacaq.