Azərbaycan, Bakı, 1 mart / Trend /
Türkiyə Mərkəzi Afrika Respublikasına (MAR) humanitar yardım göndərəcək.
Trend Türkiyənin Hurriyet Daily News qəzetinə istinadən bu barədə ölkə XİN-in cümə günü yaydığı bəyanatında bildirilir.
Məlumata görə, Türkiyənin humanitar təşkilatları MAR-da məcburi köçkünlərə yardım göstərəcək.
Bəyanatda həmçinin deyilir ki, Türkiyə Mərkəzi Afrika Respublikasındakı münaqişənin sülh yolu ilə həllində və ölkədə sabitliyin, həmçinin təhlükəsizliyin təmin edilməsində səylərini davam etdirəcək.
Bundan öncə BMT Türkiyə hökumətini Mərkəzi Afrika Respublikasına sülhməramlı qoşunların göndərilməsinə çağırıb.