Azərbaycan, Bakı, 1 mart /Trend/
Rəsmi Moskva Krım Nazirlər Şurasının sədri Sergey Aksyonovun Rusiya Prezidentinə Muxtar Respublikada sülh və əmin-amanlığı təmin etməyə yardım haqqında müraciətini diqqətdə saxlayacaq. Trend-in məlumatına görə, bu barədə şənbə günü RİA Novosti Kreml Administrasiyasına istinadən xəbər verir.
Qeyd edək ki, fevralın 25-də Krımın bir sıra sakinləri Ukraynada hakimiyyətə gəlmiş yeni rəhbərliyi tanımamaq tələbi ilə müddətsiz aksiyaya başlayıb.