Bakı. Trend:
Çinin Quansi Cuan muxtar rayonunda 2 qayığın toqquşması nəticəsində həlak olanların sayı 17-yə çatıb.
Trend-in "RİA Novosti"yə istinadən verdiyi məlumata görə, daha əvvəl 11 nəfərin öldüyü, 6 nəfərin isə itkin düşdüyü bildirilirdi.
Məlumata əsasən, axtarış-xilasetmə işlərində 8 qayıq və 200 canlı qüvvə iştirak edib.
Qeyd edək ki, ötən gün Çinin Quansi Cuan muxtar rayonunda yerli vaxtla saat 13:40-da 2 qayıq toqquşub. Toqquşmaya səbəb qayıqlarda idarəetmənin itirilməsi olub. Qəza baş verəndə iki qayıqda ümumilikdə 57 nəfər olub. Onlardan 40 nəfəri xilas edilib.