Bakı. Trend:
İŞİD terror təşkilatı Tacikistanda əcnəbi turistlərə hücuma görə məsuliyyəti üzərinə götürüb.
Trend xarici KİV-lərə istinadən xəbər verir ki, hadisə Xatlon vilayətinin Danqarinsk rayonunda baş verib. Avtomobil velosipedlə hərəkət edən turistləri vurub. Nəticədə 3 turist hadisə yerində, daha bir nəfər isə xəstəxanada həlak olub, 3 nəfər isə xəsarət alıb.
Ölənlərdən 2-i ABŞ vətəndaşıdır, qalanları İsveçrə və Niderland vətəndaşlarıdılar.