Bakı. Trend:
Rusiyanın xarici işlər və müdafiə nazirləri Sergey Lavrov və Sergey Şoyqu türkiyəli həmkarları Mövlud Çavuşoğlu və Hulusi Akar ilə Liviyada vəziyyətin nizamlanmasını müzakirə edəcəklər.
Trend-in "TASS"a istinadən verdiyi məlumata görə, bundan əlavə tərəflər İran ətrafında vəziyyətin gərginləşməsi fonunda Yaxın Şərqdəki vəziyyəti də müzakirə edəcəklər.
Xatırladaq ki, daha əvvəl Türkiyə KİV-ləri XİN rəhbəri və müdafiə nazirinin yanvarın 13-ü Rusiyanın paytaxtı Moskvaya səfər edəcəkləri barədə məlumat yaymışdı. KİV-lərin məlumatına əsasən, Türkiyənin nümayəndə heyətinin tərkibində həmçinin Milli Kəşfiyyat Təşkilatının rəhbəri Hakan Fidan da olacaq.
Türkiyənin nümayəndə heyətinin Moskvaya səfərinin gözlənilməsi barədə məlumatı Rusiyanın Xarici İşlər Nazirliyi təsdiq edib.