Bakı. Trend:
İngiltərənin cənub-qərbindəki Bristol şəhərində iqlim müdafiəsi ilə bağlı yürüş keçirilib.
Trend-in məlumatına görə, aksiyanın təşkilatçısı və təbliğatçısı isveçli ekoaktivist Qreta Tunberqdir. Yürüşə 30 minə yaxın iştirakçı qoşulub.
Nümayiş "Gələcək naminə Cümə" adlı beynəlxalq kampaniyanın bir hissəsi olub.
Xatırladaq ki, "Gələcək naminə Cümə" adlı beynəlxalq kampaniya Qreta Tunberqin 2018-in yayından hər cumə tətil elan etməklə və məktəbin yerinə müntəzəm olaraq tək parlamentin binasının qarşısında piket keçirməklə başlayıb.