Bakı. Trend:
Nigeriyada mayın 4-dən iri meqapolislərdə koronavirus pandemiyası ilə əlaqədar tətbiq olunmuş karantin rejiminin yumşaldılması başlayacaq.
Trend-in məlumatına görə, Nigeriya karantin tədbirlərini ləğv edən ilk Afrika ölkəsi olacaq.
Qeyd olunur ki, karantin rejiminin əvəzinə iri şəhərlərdə saat 20:00-dan 06:00-dək komendant saatı tətbiq olunacaq.
Digər tədbirlərin də mərhələli şəkildə aradan qaldırılacağı bildirilib.
Qeyd edək ki, bu günədək Nigeriyada 1 335 nəfər koronavirusa yoluxub. Onlardan 255 nəfər sağalıb, 40 nəfər isə həyatını itirib.