Bakı. Trend:
Sentyabr ayında İtaliyada inflyasiya göstəricisi əvvəlki ayla müqayisədə dəyişməyərək 1,6 faiz təşkil edib.
Trend xəbər verir ki, bu barədə İtaliya Milli Statistika İnstitutu (ISTAT) məlumat yayıb.
Bildirilir ki, sentyabrda istehlak qiymətləri indeksi avqust ayı ilə müqayisədə 0,2 faiz azalıb. Enerji və emal olunmamış qida məhsulları istisna olmaqla, əsas istehlak məhsullarının qiymət artımı 2,1 faiz olub. Ərzaq, məişət əşyaları və fərdi qulluq məhsullarının qiymətləri isə 3,2 faiz artıb.