Bakı. Trend:
Comex birjasında (Nyu-York əmtəə birjasının bölməsi) 2025-ci ilin dekabr tədarükü üçün qızıl fyuçerslərinin qiyməti tarixi maksimumu yeniləyərək bir troy unsiyası üçün 3900 dollar həddini aşıb.
Trend xəbər verir ki, Bakı vaxtı ilə saat 06:05-də qiymətli metalın dəyəri 1 troy unsiyası üçün 3902,4 dollar (0,24% artım) təşkil edib. Saat 06:09-a olan məlumata görə isə qızılın qiyməti daha da yüksələrək 3904,1 dollaradək (+0,28%) çatıb.
Bakı vaxtı ilə 06:45-də qiymət bir qədər enərək 3893,8 dollar (+0,02%) olub.