Bakı. Trend:
ABŞ Prezidenti Donald Tramp Virciniyadakı Kuontiko Dəniz Piyadaları bazasında hərbi komandanlıq qarşısında çıxışı zamanı eskadron döyüşü üçün nəzərdə tutulan, güclü artilleriyaya malik döyüş gəmilərinin (böyük sinifli gəmilərin) yenidən canlandırılmasını təklif edib.
Trend-in məlumatına görə, Donald Tramp çıxışında Pentaqon rəhbəri Pit Heqset ilə görüşdə belə gəmilərin “heç nə tərəfindən dayandırıla bilməyəcəyini” vurğulayıb.
Prezident qeyd edib ki, o bu sinif gəmiləri köhnəlmiş saymır və onların əsas döyüş sursatı olan artilleriya mərmilərinin raketlərdən “xeyli ucuz” olduğunu bildirib. “Mən bunun köhnə texnologiya olduğunu düşünmürəm. Biz əslində döyüş gəmisi konsepsiyasına baxırıq”, — deyə Tramp əlavə edib.
Qeyd olunur ki, ən böyük ABŞ döyüş gəmiləri Ayova sinifi olub — təxminən 48 000 ton standart yerdəyişmə ilə. Bu sinif gəmilər 1990‑cı illərdə istifadədən çıxarılıb.