Bakı. Trend:
Azər Talıbov Rusiya İqtisadi inkişaf nazirinin müavini vəzifəsindən azad edilib.
Trend-in məlumatına görə, bu barədə ölkənin baş naziri Mixail Mişustin müvafiq sərəncam imzalayıb.
Qeyd olunur ki, A.Talıbov öz xahişi ilə azad olunub.
Azər Talıbov 2017-ci ilin yanvarında İqtisadi inkişaf nazirinin müavini təyin olunub. Bundan əvvəl o, Rusiya Bankı sədrinin katibliyinin rəhbəri və Rusiya prezidenti köməkçisinin aparat rəhbəri vəzifələrində işləyib.