Bakı. Trend:
Bir neçə min insan Kanadanın Toronto şəhərində baş verən polis vəhşiliyinə, irqçiliyə və azlıqların sistematik ayrıseçkiliyinə qarşı etiraz yürüşündə iştirak edir.
Trend-in məlumatına görə, bu barədə "CBC" telekanalı bildirib.
Aksiya dinc şəkildə keçirilir, aksiyanın təhlükəsizliyi polis əməkdaşları tərəfindən təmin edilir.
Qeyd edək ki, bənzər aksiya iyunun 5-i Torontoda dinc şəkildə keçirilmişdi. Həmin gün Ottavada minlərlə insanın iştirakı ilə yürüş keçirilib. Yürüşdə Kanadanın Baş naziri Castin Trüdo da iştirak edib. O etirazçılarla birlikdə ABŞ-da öldürülən afroamerikalı Corc Floydun xatirəsinə diz çökdü.