Bakı. Elnur Bağışov – Trend:
İranın qərbində yerləşən İlam vilayətində təcili yardım vertolyotu havaya qalxarkən aşağı yüksəklikdən qəzaya uğrayıb.
Trend-in məlumatına görə, bunu İranın İlam Şəhidlər Aeroportunun direktoru Cavad Yeganə deyib.
C.Yeganənin sözlərinə görə, təcili yardım vertolyotuna ciddi şəkildə ziyan dəyib. Qəzada vertolyotda olan 2 tibb işçisi və iki pilot xəsarət almayıb.
Yeganə deyib ki, hazırda vertolyot İlam şəhərində uçuş zolağındadır və hadisənin baş verməsi səbəbi araşdırılır.