Bakı. Trend:
ABŞ Prezidenti Cozef Baydenin administrasiyası keçmiş prezident Donald Trampın apardığı miqrasiya siyasəti nəticəsində ölkənin cənub sərhədini keçəndən sonra ailəsindən ayrılan miqrantlara kompensasiya ödənilməsi imkanlarını nəzərdən keçirir.
Trend-in məlumatına görə, bu barədə mənbələrə istinadən "The Wall Street Journal" yazır.
Məlumata əsasən, sözügedən kompensasiyalara büdcədən 1 milyard dollardan artıq vəsaitinin ayrılması planlaşdırılır.
Bildirilir ki, layihə ilə ölkənin Ədliyyə Nazirliyi, Daxili Təhlükəsizlik Nazirliyi və Səhiyyə və Sosial Xidmətlər Nazirliyi məşğul olur.