Bakı. Orxan Nəbiyev - Trend:
İndoneziyanın Yava adasında Semeru vulkanının püskürməsi nəticəsində həlak olanların sayı artmaqda davam edir.
Trend-in məlumatına görə, ölənlərin sayı 34 nəfərə çatıb. Ötən gün 22 nəfərin öldüyü deyilirdi.
Daha 16 nəfər itkin düşüb. Bundan başqa, 50-yə yaxın şəxs müxtəlif dərəcəli xəsarətlər alıb. Bölgədə axtarış işləri davam etdirilir.
Qeyd edək ki, Semeru vulkanı dekabrın 4-də püskürüb. 3 676 metr hündürlüyü olan Semeru İndoneziyada aktiv olan 130 vulkandan biridir.