...

"PayPal" Rusiya ərazisində xidmətlərini dayandırıb

Dünya xəbərləri Materials 5 Mart 2022 11:55 (UTC +04:00)
"PayPal" Rusiya ərazisində xidmətlərini dayandırıb

Bakı. Orxan Nəbiyev Trend:

"PayPal" beynəlxalq elektron ödəniş sistemi Rusiya ərazisində xidmət göstərilməsini dayandırıb.

Trend-in məlumatına görə, bu barədə şirkətin bəyanatında deyilir.

Qeyd olunur ki, qərar Rusiyanın Ukrayna ərazisində keçirdiyi hərbi əməliyyatlarla əlaqədar verilib.

Şirkətin prezidenti Den Şulman bildirib ki, Rusiya vətəndaşları müəyyən müddətədək öz hesablarındakı vəsaiti çıxara bilər. O, həmçinin əlavə edib ki, martın 2-dən etibarən "PayPal" Rusiyadan yeni istifadəçilərin qeydiyyatını dayandırıb.

Bundan başqa, "eBay" şirkəti də qeyri-müəyyən müddətə Rusiya və Ukraynaya məhsulların çatdırılma xidmətini dayandırdığını bildirib.

Məqalədə:
Xəbər lenti

Xəbər lenti