Bakı. Trend:
Türkiyənin Uşak şəhərində yük maşını fəhlələri daşıyan mikroavtobusa çırpılıb.
Trend xəbər verir ki, nəticədə 20 nəfər yaralanıb.
Qəzaya Uşakdan İzmir istiqamətində hərəkət edən yük maşınının qırmızı işıqda yolu keçməsi səbəb olub. Polis yük maşınının sürücüsünü saxlayıb.
Hadisə yerinə xeyli sayda təcili yardım, polis və xilasetmə briqadası yollanıb.
Bildirilir ki, yaralılardan birinin vəziyyəti ağırdır. Mikroavtobusda ümumilikdə 25 nəfər olub.